Волжск олаште ик фирмын пашазыже 12 метр кӱкшыт гыч камвозын да илыше кодын
Волжск олаште ик фирмын пашазыже 12 метр кӱкшыт гыч камвозын да илыше кодын.- увертара гострудинспекцийын пресс-службыжо. Илыме пӧртым чоҥымаште нылымше пачашыште пашазе кермыч, перемычке дене ошкылын, балкон плиташ тошкалын да мунчалтен, пурен каен. Юмылан тау, 12 метр кӱкшыт гыч ошма ораш камвозын, нелын сусырген, эмлыме верыш логалын. Происшествийын амалже- лӱдыкшыдымылык правилым пудыртымаш. Чоҥымаште жаплан авыртышым шынден огытыл, кӱшнӧ пашам ышташ креплений лийын огыл, йол ынже мунчалте манын келшыше йолчиемым пуэн огытыл. Тиддеч посна лӱдыкшыдымылык мерым шуктымым иктат терген огыл. Шымлымаш деч вара ситыдымашым кораҥдыме планым ыштеныт. Документым следствий органыш пуэныт.
Фото: Кугыжаныш паша инспекций.
Фото: Кугыжаныш паша инспекций.
