Абулаторный онкологий полышым пуышо кум рӱдер почылтеш

                        Республикыштына абулаторный онкологий полышым пуышо кум рӱдер почылтеш. Нуно Волжскысо, Козьмодемьянскысе да Шернурысо рӱдӧ эмлыме верлаште лийыт. Рӱдер- влак онкологий черан- влаклан тӱрлӧ полышым пуат: врач- влак дене консультацийым эрташ, черым диагностироватлаш, черын могайрак улмыжым палаш, пациент- влакым консилиумыш, медико-санитар экспертизыш колташ да молат. Волжскышто апрельыште почылтшаш, Козьмодемьянскыште- июньышто, Шернурышто-сентябрьыште. Волжскысо рӱдер деке Волжский да Морко районлаште, Козьмодемьянскысе деке- Курык марий да Юрино, Шернур деке Шернур, Марий Турек, Параньга, Куженер, У Торъял районлаште илыше калык ушалтеш. Йошкар-Ола воктелсе районлаште илыше- влак Республикысе онкологий диспансерыш мият. Рӱдер- влаклан оборудованийым налаш 23 миллион утла теҥге оксам ойырымо.

Прошлые выпуски