Волжский районысо ик ялыште илыше калык шкаланышт шке корным ыштеныт

Волжский районысо ик ялыште илыше калык шкаланышт шке корным ыштеныт
               Волжский районысо ик ялыште илыше калык шкаланышт шке корным ыштеныт. Чапчык ялыште верысе калык корным да кӱварым олмыктен пытарен. Тидын нерген район администрацийын пресс-службыжо увертара. Кӱварым капитально олмыктымо да урем мучко корным тӱрыс уэмдыме. Проектым шыҥдарымаште кугу пашам верысе калык да дачым кучышо- влак шуктеныт. Пужен ыштымашке кугу надырым тиде ялыште шочшо Александр Воробьёв пыштен. Тудын тыршымыже дене палемдыме пашан кугу ужашыжым шуктымо. Кызыт инфраструктурым вияҥдымаш умбакыже шуйна. Специалист- влак ялыштат, олмыктымо кӱварыштат волгалтарыме системым монтироватлат. Пӧтъял ял администрацийыште тиде проектым шыҥдарымаште граждан инициативын кӱлешлыкшым палемдат.
             Фото: Волжский район администраций.

Прошлые выпуски