Волжскышто Тумер парк вашке ямде лиеш

            Волжск оласе Тумерыште октябрь мучашлан пашам пытарышаш улыт. Оласе Тумер ото койын вашталтеш. Парк кундемыште спорт да йоча площадкым ыштыме, вӱд деке волаш тошкалтыш уло, вашке сцена ден ротонда ямде лийыт. Подряд организаций тулым пурташ кабельым шупшын, йолгорнылаш асфальтым шарыме, саварым чоҥымо, транспортым шогалтыме вер уло. Ушештарена: «Тумер ото: оласе тӱвыра да экологий парк» проект Российысе конкурсышто сеҥышыш лектын ыле. Сандене паша федерал окса кӱшеш шукталтеш.

Прошлые выпуски