Волжскысо кучедалмаш школышто шуаралтше рвезе европын первенствыштыже сеҥыше лийын
Волжскысо кучедалмаш школышто шуаралтше рвезе европын первенствыштыже сеҥыше лийын. Российысе спорт кучедалмаш Федерацийын увертарымыже почеш Сербийысе Зренянин олаште 9-ше гыч 15-ше март марте спорт кучедалмаш дене Европын первенствыже эртен. Греко-рим кучедалмаш дене Чемпионатын кокымшо кечынже нелыт шот дене вич категорийыште финал ӱчашымаш- влак лийыныт. Тыге Российысе спортсмен- влак кум шӧртньӧ медальым сеҥен налыныт. Эн сай- влак коклаште 77 килограмм марте нелытан- влак радамыште Данил Григорьев улеш. Финалыште тудо Армений гыч кучедалшым сеҥен да Европа первенствыште сеҥыше лийын.
Фото: Архив.
Фото: Архив.
