Алиментым тӱлыдымылан машинам поген налыныт

Суд пристав- влак алиментым тӱлыдымӧ еҥын машинажым арестоватленыт. Суд пристав- влакын Йошкар-Оласе икымше пӧлкаштыже пӧръеҥ деч алиментым кӱрын лукмо шотышто паша лийын. Парымже 155 тӱжем теҥгем эртен. Парыман еҥ повесткылан, телефон йыҥгырлан вашештен огыл, омсам иктыланат почын огыл. Тудын илыме пӧрт кудывечыште суд пристав Форд Мондео машинажым шекланен. Верыштак арестоватлыме да поген налме шотышто актым возымо да эвакуатор дене «Недвижимость плюс» ушемыш ужалаш наҥгайыме. Тиде организацийын арестоватлыме погым ужалаш кугу праваже уло. Парыман еҥ йочажлан алимент порысшым ок пӧртылтӧ гын, машинажым ужален, оксажым йочажлан пуат,- увертара суд пристав службын пресс-службыжо.

Прошлые выпуски