Ялысе эн сай тӱвыра пашаеҥым да эн сай Тӱвыра пӧрт- влакым палемдыме

Ялысе эн сай тӱвыра пашаеҥым да эн сай Тӱвыра пӧрт- влакым палемдыме
               Тӱвыра пашаеҥын кечыжым пайремлыме кышкарыште ялысе эн сай тӱвыра пашаеҥым да эн сай Тӱвыра пӧрт- влакым палемдыме. Конкурсын лауреатше- влакым Правительстве председательын алмаштышыже, тӱвыра министр Константин Иванов саламлен. Ялысе эн сай тӱвыра тӧнеж лӱмым Волжский Пӧртанур, Курык марий Шындыръял, Звенигово Шемшӱргӧ, Медведево Знаменский, Морко Кульбаш, Шернур Чылдемыр, Юрино Йӱркына ял клуб- влак налыныт. Ялысе Эн сай тӱвыра пашаеҥ семын тӱвыра пӧртлам вуйлатыше- влакым Юлъял гыч Анатолий Мартыновым, Нуктуж гыч Елена Юнусовам, Йывансола гыч, Татьяна Поликарповам, Шеҥше гыч Рамзия Николаевам, Ондропсола гыч Эрик Смирновым палемдыме. Сеҥыше- влак окса премийым налыт. Эн сай пашаеҥ- влаклан 50 тӱжем теҥге гыч, эн сай тӧнеж- влаклан шӱдӧ тӱжем теҥге гыч пуат.
          Фото: Тӱвыра министерстве.

Прошлые выпуски