Ялысе шахматист- влак ший медальым налыныт

Ялысе самырык спортсмен- влак шахмат дене Россий кӱкшытан таҥасымаште ший медальым сеҥен налыныт. Кодшо кечылаште Самара областьысе Светлое илемыште ялыште илыше тунемше-влак коклаште шахмат дене Россий кӱкшытан лично-командный таҥасымаш- влак эртеныт. Российын тӱрлӧ кундемже гыч 37 командын 142 шахматистше шке уш-акыл пӱсылыкшым ончыктен. Уда огыл лектышым Марий Эл гыч тренер Евгений Саватковын шуарыме рвезе- влак ончыктеныт. Команде- влак коклаште кокымшо верым налыныт. 9-10 ияш рвезе- влак коклаште икымше верыш Дамир Мингазов лектын. Абсолютный зачётышто кокымшо да 15-16 ияш спортсмен- влак коклаште кокымшо вер дене Данил Новосёлов палемдалтын. 13-14 ияш ӱдыр- влак коклаште Ксения Логинова кумшо лийын.

Прошлые выпуски