«Ястреб» спецназын сотрудникше- влак Киров гыч медаль- влак дене пӧртылыныт
«Ястреб» спецназын сотрудникше- влак Киров гыч медаль- влак дене пӧртылыныт. Тушто «Вичын вийже» кумшо фестиваль эртен. Тушко Моско, Екатеринбург, Угарман, Пермь, Барнаул, Ростов-на-Дону олала гыч 200 спортмен чумырген. «Ястреб» командыште патыр- влакын форумыштышт УИС-ын вич пашаеҥже лийын. Павел Москвин ден Илья Васюнин тушко икымше ден кокымшо верым сеҥен налыныт. Нуно кийышыла 55 килограмм нелытан штангым нӧлтымаште таҥасеныт. Сергей Гасников тӱнямбал классан спорт мастер нормативым шуктен да ветеран- влак коклаште икымше верым налын, Евгений Федулов спорт мастерын нормативным шуктен, Александр Совцов ветеран- влак коклаште кок гана икымше верым налын.
