Йошкар-Олаште чапланыше марий- влаклан чапкӱм шогалтат
Йошкар-Олаште чапланыше марий- влаклан чапкӱм шогалтат. Республикысе тӱвыра, печать да калык-влакын пашашт шотышто министерстве композитор Андрей Эшпай, поэт Валентин Колумб, Марий Облисполкомын икымше председательже Иван Петровлан чапкӱм ышташ эн сай проектлан конкурсым эртырыме нерген увертарен. Тыгай темлымашым Марий мер каҥаш ыштен ыле. Чапкӱ- влак Йошкар-Олаште вераҥдалтшаш улыт. Конкурсыш еҥ- влак, икмыняр еҥ але усталык коллектив- влак ушнен кертыт. Таҥасымаш шушаш ийын 19-ше февральлан мучашлалтшаш. А иктешлымашым конкурс комиссий 21-ше февраль марте ышта.
