Йошкар-Олаште у школым у оборудований дене пойдарат
Йошкар- Олаште чоҥымо у школлан компьютерым налаш да цифран лабораторийым ышташ 27 миллионат 500 тӱжем теҥге окса ойыралтеш. 9-ше В микрорайонышто чоҥалтше школлан компьютер оборудованийым налаш да шыҥдараш контарктым ышташ электрон аукцион эртаралтеш. Тидлан 19 миллион теҥге ойыралтеш. Школышто 88 автоматизированный паша вер, тунемше- влаклан 120 ноутбук лийшаш. Аукцион тыгак оборудованийым шындаш контрактым кылдаш правалан эртаралтеш. Тиде пашалан 8 миллионат пеле теҥгем палемдыме. Тыге цифран лабораторий естествознаний, физике, химий, биологий, физиологий предметла дене лиеш. У школ тений икымше сентябрьлан шке омсажым почшаш.
