Йошкар-Ола администрацийым вуйлатышылан конкурсышто кок кандидат эн шуко йӱкым поген

Йошкар-Ола администрацийым вуйлатышылан конкурсышто  кок кандидат эн шуко йӱкым поген
Теҥгече «Йошкар-Ола» ола округын администрацийжым вуйлатыше шотышто конкурс эртен. Тушко индеш кандидат йодмашым пуэн ыле. Тиде- Николай Аракчеев, Иван Беляев, Сергей Васильев, Андрей Дождиков, Александр Каменских, Евгений Маслов, Григорий Петров-Чоткар, Андрей Таников.  Вашмутланымаште кандаш еҥ участвоватлен. Иктыже черланымылан кӧра толын кертын огыл. Нунын кокла гыч эн шуко йӱкым мэрын сомылжым шуктышо Евгений Маслов ден администрацийын архитектура да градостроительство виктемжым вуйлатышын сомылжым шуктышо Андрей Дождиков погеныт. Нунын кандидатурыштым Ола округын депутатше- влакын погынымашкышт решенийым лукташ колтымо. Ола погынымашын кокымшо сессийже ола администрацийыште 6-шо ноябрьыште лийшаш. Тушто каҥашыме ик йодышыжо Йошкар-Ола администрацийын вуйлатышыжым палемдымаш лиеш. 

Прошлые выпуски