Йошкар-Ола аэропортышто пассажир терминалым чоҥымаш ик кумшо ужашлан шукталтын
Йошкар-Ола аэропортышто пассажир терминалым чоҥымаш ик кумшо ужашлан шукталтын. Шушаш ийын тудым чоҥен шуктымеке аэропортын калыкым колтен кертме куатше кугемеш. У терминал ик шагатыште 400 утла пассажирым приниматлен кертеш. Кызыт паша кум тылзылан графикым ончылтен шукталтеш. Федерал полышлан кӧра аэропортым кумдаҥдыме пашам 2022-шо ийыште тӱҥалме. Тиде кугу проект стратегический значениян. Аэропортым вияҥдымылан кӧра республикын инвестицийым кумылаҥдыме куатше кугемеш, турист- влак ешаралтыт, - каласен Россий Федерацийын чоҥымаш да ЖКХ министрын алмаштышыже Александр Ломакин. Терминалын куд тӱжем квадрат метр кумдыкан кок пачашан у занийжым нӧлтымӧ, конструкцийже рашын коеш. Кызыт тушто чыла корно денат паша кая: леведышым погат, фасадым ыштат, окна блокым шындат, инженер системым чоҥат да воктелсе кумдыкым тӱзландарат. Тиддеч посна тушко мийыме корно, вокзал воктелсе площадь чоҥалтеш. Тушто пассажир- влаклан перрон да автомобилььлан стоянке лиеш. «РосСтройКонтроль» виктемын инспекторжо- влак чоҥымо пашам эскерен шогат.
Фото: Йошкар-Ола администраций.
Фото: Йошкар-Ола администраций.
