Таче уло марий тӱня Талешке кечым палемда
Таче уло марий тӱня Талешке кечым палемда. Йошкар-Олаште шым шагат эрденак «Шарнымаш сорта» акций тӱҥалын. Чолга еҥ- влак, мер организацийлан еҥышт Сергей Чавайнлан чапкӱ воктеке погынен, сортам чӱктен, талешкына- влакын шарналтеныт. Тиддеч вара талешке- влаклан чап оҥа да чапкӱ воктене, Павел Глезденёв лӱмеш саклымверыште вуйым савалтеныт. 13 шагат тураште Оршанке район Кугунур ялыште Мамич Бердейлан шарныктыше кӱ воктене калык погынен. Тыгаяк мероприятий- влак Россий мучко марий – влакын тӱшкан илыме кундемлаште эртен. Тиддеч посна республике мучко ятыр мероприятий лийын.
Фото: Чавайн лӱмеш калыкле книгагудо.
Фото: Чавайн лӱмеш калыкле книгагудо.
