Йошкар-Ола ракет дивизий пайремжым палемден
Йошкар-Ола ракет дивизий теҥгече пайремым палемден. 35 ий ончыч, 1985-ше ий 23-шо июльышто стратегический назначениян ракет войска куснылшо «Тополь» ракет комплекс дене пойдаралтын. Тудо кеч- куштат тушманын точкыжым пытарен кертеш. «Тополь» дене пойдарыме икымше полк боевой дежурствыш Йошкар-Оласе 14-ше ракет дивизийыште шогалын. «Топольын» 550 килотонн куатан боеголовкан ракетыже цельым лу тӱжем меҥге тораштат пытарен кертын. Тудым колташ улыжат кок минут гына кӱлын. Пусковой установкын нелытше 100 тонныш шуын. 1998-ше ий декабрьыште «Топольым» уэмдыме «Тополь-М» вашталтен. Кызыт Йошкар-Оласе ракет дивизийын вооруженийыштыже «Ярс» комплекс вераҥын. Тудын чоҥештыме жапше шагалемын. Сандене тудым кучаш йӧсӧ лийын.
