Волжск оласе тӱҥ корно- влак олмыкталтыт

Волжск оласе калык оласе эн кӱлешан корно- влакым олмыктымо пашам вучен шуктен. Тушто корным капитально олмыктымо паша умбакыже шуйна. Волжск мэрын сомылжым шуктышо Алексей Веселовын мутшо почеш, кокымшо Новый, Дружба уремлан ужашыштым шукертсек олмыкташ шоненна. Тений Правительствын полшымыжлан кӧра тиде пашам вер гыч тарваташ йӧн лектын. Идалык еда корным капитально олмыкташ шийвундо утларак ойыралтеш. Тений оласе чыла гаяк микрорайон тӱткыш деч посна кодын огыл. Ик уремыште паша мучашлалтеш гын, вигак вес вере сомылым тӱҥалыт. Тиддеч посна лакылам тӧрлымашат кая, гарантий почешат ачалыме пашам тӱҥалыт. Чылаже оласе 10 процент асфальтан корным тений олмыктымо лиеш.

Прошлые выпуски