Звенигово оласе канализаций коллекторым олмыктеш шукташ эше вич миллион теҥге ойыралтеш
Марий Эл правительствын резерв фондшо гыч вич миллион наре теҥге оксам Звенигово оласе канализаций коллекторым олмыктымо пашалан ойыралтеш. Тидын шотышто пунчалым Марий Элым вуйлатыше Александр Евстифеев пеҥгыдемден. Тиде окса Пушкин уремысе 75 метр кужытышто пашам мучашлан кайышаш. Тидыже олаште экологий сӱретым саемдаш полшышаш. Резерв фонд кумшо ий оксам ойыра. Идалык мучаш марте пашам мучашлена манын ӱшанем, - каласен республикым вуйлатыше. Коллекторышто аварий 2019-ше ий шошым мланде порволымылан кӧра лийын. Тыге лавыра мланде ӱмбаке лекташ тӱҥалын. Олмыктымо пашам республикым вуйлатыше вигак шке контрльышкыжо налын. Тунам резерв фонд гыч 40 миллионтеҥгем ойырымо, вара эше ик гана веле огыл полышым пуымо. Тиде окса дене у насос станцийым ыштыме, канализаций сетьым вашталтыме.
