Республикыштына Ковид-19 дене черланымаш шагалемаш тӱҥалын

Республикыштына Ковид-19 дене черланымаш шагалемаш тӱҥалын. Тидын нерген республикым вуйлатыше Александр Евстифеевлан Роспотребнадзор виктемым вуйлатыше Светлана Булатова  Оперативный штабын заседанийыштыже увертарен. Пытартыш кок арняште черланыше- влак 29 еҥ деч шукырак лийын огытыл. Пытартыш арняште мӧҥгыштӧ эмлыме 604 пневмоний черым пеҥгыдемдыме. Тидыже ончычсо арня деч 12 процентлан шагалрак. Коронавирусан пневмоний черым пеҥгыдемдымаш шагалемеш: 18 процент гыч 13 процент утла марте волен. Республикыштына инфекцийын шарлыме коэффициентше 0,9 кӱкшытыштӧ улеш. Черле дене кылым кучышо- влакат шагалемыт. Тыгайже кызыт эскерымаште 988 еҥ уло, тылзе ончыч тӱжемат пеле лийын. предприятийлашке инфекцийым пуртымаш иземын. Лӱдыкшӧ вер семын медицина тӧнеж- влак, тӱшка транспорт кодыт. Сандене Республикым вуйлатыше маске режимым умбакыже шуяш да терген шогаш темлен. Роспотребнадзор виктем почылтшо предприятий- влакым эпидемиологий йодыш шотышто терген шога.

Прошлые выпуски