Марий Элыште профессионал парышлан налогым пуртат
Марий Элыште профессионал парышлан налогым пуртат. Марий Кугыжаныш Погынлан ончаш республикысе правительстве регионысо налог да сбор нерген законыш вашталтышым пуртымо шотышто проектым колтен. Тудо республике кумдыкышто «Профессионал парышлан налог» специальный налог режимым пурташ темла. Законопроектым Погынын черетан сессийыштыже 30-шо июльышто ончаш палемдыме. Мо тыгай- профессионал парышлан налог? Тиде шкалан шке пашам ситарыше- влаклан у специальный налог режим. Тудын дене пашам пуышо деч посна да еҥым тарлыде пашам ыштыше физический лиц, амалкалче- влак пайдаланен кертыт. Профессионал парышлан налогым тӱлаш кумылаҥше физический лица- влак шкевуя ыштыме пашаштлан парыш деч налогым 4 процент але 6 процент ставке дене тӱлаш тӱҥалыт.
