Эмлыме вер- влакым ончычсо паша деке эркын пӧртылташ шонат

Марий Элысе кучем коронавирусым эмлаш келыштарыме больнице- влакым ончычсо паша деке эркын пӧртылташ шонат. Коронавирус дене шуэнрак черланаш тӱҥалыныт, сандене медицина организаций- влакын  амбулаторно- поликлиник пӧлкаже- влаклан пашам ышташ разрешенийым пуэныт. Поликлинике- влакын ик тылзе ыштыме пашашт ончыктен: кӱлеш мерым чаткан шуктен шогаш да ончылгоч возалтме почеш черым эмлаш гын, чер шарлымашым иземдаш лиеш. Тидын нерген тазалыкаралтыш министрын алмаштышыже Татьяна Королёва ойлен. Поликлиникылаште чарымашым шуко еҥже сырен вашлиеш. Сандене умылтарыме пашам сайынрак эртарыман манын каласыме. Министрын алмаштышыже тыгак план почеш диспансеризацийым уэш тӱҥалме нерген йодышым шынден. Тиде пашам шочмо, 27-ше июль гыч тӱҥалаш лийме. Тидымат палемдыме: ончычсо семынак черле- влакым эмлаш  850 койко уло. Тушто кызыт 555 еҥ эмлалтеш. Тидыже уло вер гыч 68 процент лиеш. Пытартыш кум кечыште чыла койко ок кучылталт. Эмлаш пыштыме еҥ- влак кокла гыч 98 процентше пневмоний дене кия.  205 еҥын коронавирусым пеҥгыдемдыме, 132 еҥ нелын черланен. Доклад мучашыште Александр Евстифеев вашталтыме эмлыме вер- влакым ончычсо паша деке пӧртылташ лийме йодышым ончен лекташ кӱштен. Эн ончычак инфекций койкым  сарын ветеранже- влакын Республикысе госпитальышт гыч кораҥдаш палемдыме. Тушто 60 койкым вераҥдыме, 31-тыштыже эмлалтше уло. Ушештарена: утларак ямде улмо режимым 25 июль марте увертарыме.

Прошлые выпуски