Йошкар-Оласе марий- влакын конференцийышт эртен
Марий Мер каҥаш калыкын 11-ше погынышкыжо делегат- влакым ойырымо шотышто оласе конференцийым эртарен. Тудо Йошкар- Ола администрацийын залыштыже лийын. Погын ныл ийлан ик гана чумырга да йылмым, йӱлам, тӱвырам арален кодымо шотышто кӱлешан йодыш- влакым каҥаша. Черетан погын Йошкар-Олаште 9-ше гыч 11-ше апрель марте эрта. Рӱдӧ олашке 412 делегат толшаш. Нуно вич секцийыште пашам ышташ тӱҥалыт.
