Йошкар-Ола уло Россий гыч балет артист ден хореограф – влакым чумыра
Йошкар-Ола уло Россий гыч балет артист ден хореограф – влакым чумыра. Рӱдӧ олаштына 20-шо гыч 26-шо апрель марте балет артист ден хореограф- влакын Россий кӱкшытан конкурсышт лиеш. Тудо Эрик Сапаев лӱмеш опера да балет театрыште эрта. Конкурсын художественный вуйлатышыже- СССР-ын калык артистше, Кугу театрын балетмейстерже, профессор Юрий Григорович лиеш. Программыште участник- влакын выступленийышт деч посна, выставке, лекций, мастар-класс, йыргешке ӱстел, усталык лабораторий да вашлиймаш- влакым эртараш палемдыме. Икымше туржо заочно эрта. Кокымшышко 50 наре еҥ эрта: 15 хореограф ден 30 куштызо. Финалыш 6 хореограф деч уто лекшаш огыл. Икымше кум премийым налше- влакым 300, 250, 200 тӱжем теҥге окса вуча. Тиддеч посна нуно шке балет спектакльыштым Йошкар-Ола, Уфа да Воронежысе театрлаште шынден кертыт.
