Йошкар-Олан мэрже ола администрацийын пашаеҥже- влаклан тауштымашан серышым кучыктен
Йошкар-Олан мэрже ола администрацийын пашаеҥже- влаклан тауштымашан серышым кучыктен. Нунын «Оласе йӧнан кумдыкым ыштымаш» калыкле проектым шыҥдарымаште лектыш дене ыштыме пашаштым тыге аклыме. Наградым налше- влак коклаште - мэрын икымше алмаштышыже Лев Покровский. Тудо палемден: калыкле проектым шукташ куштылго огыл ыле. Ныл объектыште конкурсышто сеҥыше подрядчик- влак кугу нелылыкым луктыныт. Пашам шуктымо жапым кӱрылмылан кӧра нунын дене контарктым пытарыме да вашке гына вес подрядчикым муын, калыкле проектым жапыштыже шукташ кӱлын. Тыге задачым шуктымо. Кугу таум у подрядчик- «Город» МУП-лан, мэрийын моло подразделенийжылан да организаций- влаклан каласыме шуэш, - увертарен Лев Покровский. Тидымат ешарен: Йошкар-Оласе ик объектым- кӱртньӧ корно пашаен влакын скверыштым- ик ийлан ондак ышташ йӧн лектын.
Фото: Лев Покровский ВК.
Фото: Лев Покровский ВК.
