Йошкар-Оласе эмлыме верыште у МРТ аппаратым вераҥдыме
Йошкар-Оласе эмлыме верыште у МРТ аппаратым вераҥдыме. Магнитно-резонанс томограф 96 миллион утла теҥгем шога. Тудым кодшо ийын «Тазалыкаралтыш» калыкле проектын «Шӱм да вӱргорно чер дене кучедалмаш» регионысо проект кышкарыште налме. Аппаратым Регионысо сосудистый рӱдерыште вераҥдыме. Оласе эмлыме верын тӱҥ врачше Юрий Нагибинын мутшо почеш, тушто Йошкар-Ола да районла гыч инсульт дене кондымо пациент- влак, стационар черле да поликлиникыла гыч направлений почеш колтымо еҥ- влак тергалтыт. Тенийлан регионысо проект кышкарыште 40 утла миллион теҥгелан ныл медицина оборудованийым налаш палемдыме. Йошкар-Ола эмлыме верлан операцийым эртарыме микроскопым, Волжск оласе рӱдӧ эмлыме верыш йоллан роботизироватлыме терапийым эртараш аппаратым кондаш да пашаш колташ контрактым ыштыме. Тыгак тений Шернурысо рӱдэмлыме верлан шодым искусственно южтарыме кок аппаратым налаш палемдыме. Чылаже тений да вес ийын «Шӱм да вӱргорно чер дене кучедалмаш» прооект кышкарыште республике регионысо сосудистый рӱдерлан да первичный сосудистый пӧлка- влаклан 23 медицина оборудованийым налшаш.
