Йошкар-Олаште партизан-разведчице Ольга Тихомировам шарналтеныт

Йошкар-Олаште партизан-разведчице Ольга Тихомировам шарналтеныт
         Йошкар-Олаште Кугу Ачамланде сар жапыште вуйым пыштыше партизан-разведчице Ольга Тихомировам шарналтеныт. Комсомол площадьыште «Тулан жапысе комсомол- влаклан» монумент воктене Комсомол площадьыште мероприятийыш Правительстве председательын икымше алмаштышыже Евгений Кузьмин, самырык политике комитетым вуйлатыше  Станислав Игошин, Йошкар-Ола округын главаже Виктор Кузнецов, Олан мэрже Евгений Маслов, тунемше, комсомолын ветеранже, депутат да ветеран организаций- влакын еҥышт погыненыт. Сар тӱҥалмекак Ольга сарыш каяш кумылаҥын. Посна тунеммаш деч вара икымше Белорус партизан бригадын развед подразделенийышкыже медшӱжарлан колтымо. Тудо разведчице семын шкенжым эн сай могырым ончыктен. 1943-шо ий март тӱналтышыште немыч- влакын блокадышкышт логалыныт, разведчик- влак тудым кӱрлаш тарваненыт. Группым вуйлатыше колымеке, Ольга шке командоватлаш тӱналын. Нуно авыртышым кӱрлыныт да партизан- влакым луктыныт, но Ольга нелын сусырген да ӱмыр лугыч лийын. Тудым Витебск областьысе Козловичи ял воктене иза-шольо шӱгареш тойымо. 15 ий гыч гына, 1958-ше ийыште партизан толкын дене кылдалтше документ- влакым почмо да Ольга Тихомировалан наградым пуаш ыштеныт. Тудлан Кугу ачамланде сарын икымше степенян орденжым пуымо. Йошкар-Олаште тудын лӱмжым шочмо Лапшино ялжын уремжылан да тунемме кокымшо номеран школжылан пуымо. 6-шо июньышто Ольга Тихомирован шочмыжлан 100 ий темеш.
         Фото:Йошкар-Ола администраций.

Прошлые выпуски