«Шошымсо Йошкар-Ола» фестиваль лиеш
«Шошымсо Йошкар-Ола» фестиваль лиеш. Россий кӱкшытан фестиваль 8-ше март гыч икымше апрель марте Яков Эшпай лӱмеш Марий кугыжаныш филармонийыште эрта. Фестиваль кышкарыште ныл концерт программым ончыктат. Фестивальым 8-ше мартын «Волга» муро да куштымаш кугыжаныш ансамбльын концертше почеш. 15-ше мартыште концертым калык ончыко калык семӱзгарын «Чонын пайремже» кугу оркестр луктеш. А 22-шо мартыште Евгений Южин «Магомаев. Мартынов. Ободзинский» концертым ончыкта. Икымше апрельыште Михаил Годенко лӱмеш Красноярскысе Сибирь куштымашын кугыжаныш академический куштымаш ансамбльже «Ме чылан пырля- Россий» концертым темла. Фестивальын тӱҥ темыже «Сем. Куштымаш. Сымыктыш» шомак лиеш. Чыла мероприятийыш школьник ден студент- влакат «Пушкин карте» дене миен кертыт.
Фото: Тӱвыра министерстве.
Фото: Тӱвыра министерстве.
