Александр Евстифеев ядерщик- испытательлан Россий оборона министерствын медальжым кучыктен

                Ачамландын Геройжо- влакын кечынже Александр Евстифеев Марий Эл гыч ядерщик- испытательлан Россий оборона министерствын медальжым кучыктен. Йошкар-Олаште Ачамландын Геройжо- влакын кечыштлан пӧлеклалтше мероприятий- влак рӱдӧ каныме паркыште тӱҥалыныт. Тушто Марий Элым вуйлатыше Александр Евстифеев лийын да Воин Чап мемориал ден Курымашлык тул воктеке пеледышым пыштен. Тудо Радиаций катастрофылан кӧра вуйым пыштыше- влаклан мемориал воктене Российысе особый риск подразделенийын ветеранже Пидалин Васеевлан Чап наградым- «Ачамландын геройжо- влакым шарныме лӱмеш» медальым кучыктен.
              Пидалин Васильевич 1957-58-ше ийлаште Семипалатинск полигонышто ядерный оружийым южышто тергымаште лийын. Кызыт тудо самырык тукымым патриотизм шӱлышеш шуарымаште чулымын тырша, армийыш кайышаш рвезе- влак ончылно лекцийым лудеш, ветеран- влакым шарныме мероприятий- влакым эртара. Республикым вуйлатыше палемден: Герой- влак радамыште Марий Эл гыч 105 еҥ шотлалтеш, Нунылан кӱкшӧ лӱмым пуымо. Нунын коклаште Совет Ушемын, Социалистический пашан Геройжо, Российын Геройжо, Шнуй Георгийын орденже ден Слава орденын кавалерже- влак улыт.

Прошлые выпуски