Игорь Комаров Ачамландын геройжо- влакын кечыштлан пӧлеклалтше церемонийыште участвоватлен
Теҥгече Юл кундем округышто Россий президентын полномочный представительже Игорь Комаров Ачамландын геройжо- влакын кечыштлан пӧлеклалтше церемонийыште участвоватлен да Курымашлык тул воктеке пеледыш аршашым пыштен. Вуйым пыштыше- влакым шарналтымаште тыгак исполнительный кучем органын да Российын калыкле гвардийжын войскаже- влакын еҥышт лийыныт. Тиде ойыртемалтше кече. Тудо 10 ий утла палемдалтеш. 1769-ше ий 9-ше декабрьыште Георгий Победоносецын орденжым пеҥгыдемдыме. Тудым лӱддымылыкым да патырлыкым ончыктышо воин- влаклан кучыктеныт, - палемден Игорь Комаров. Поснак кугу тауштымо шомакым тудо порысыштым шуктымо годым вуйыштым пыштыше Герой- влакын ешыштлан ойлен. Кугу Ачамланде сар жапыште ача-коча да кугезе кочана- влакын ыштыме подвигышт ончыктен: Элнан эрыкше- патриотизмын эн кӱкшӧ смысылже. Ачамландылан служитлымаш таче мом ончыкта?- Тиде чын илымаш, чын ыштыме паша, патырлык да шкем чаманыдымаш. Элнан, калыкнан Геройжо- влак мыланна чылалан пример да йочам ончен- куштымо образец улыт. Отечествын Геройжо- влак- Российын вийже да кугешнымашыже, - иктешлен Игорь Комаров.
