Икымше модельный книгагудо почылтын

              «Тӱвыра» калыкле проект почеш республикыштына у тукымыш пурышо икымше модельный книгагудо почылтын. Шуко функциян у жаплан келшыше книгагудым У Торъял посёлкышто почмо. Лач тушто рӱдӧ книгагудо негызеш кугу федерал проектым шыҥдарыме. Тудо республикыште эше икымше гына. Проектын тӱшка акше 12 миллион теҥгем эртен. Тиде окса дене зданийым капитально олмыктымо, кӧргӧ пӧлем- влакым уэмдыме, у мебельым налме, компьютер оборудованийым вераҥдыме, у книгагудо кумдыкым ыштыме. Кок миллион наре теҥгелан ныл тӱжемат 90 книга савыктышым налме, чыла пашаеҥ- влак квалификацийым нӧлтеныт.
                Республикым вуйлатыше Александр Евстифеев пайрем шӱлыш дене йошкар тасмам пӱчкын, пӧлем- влакым ончен да пашаеҥ- влак дене мутланен. Главалан посна лудмо, компьютер грамотностьлан тунемме, проектым шыҥдарыме да мастер-класс- влакым эртарыме вер- влакым ончыктеныт. Александр Евстифеев палемден: нине зона, кажныже пашам ыштышаш, специалист- влак туныктышаш улыт, бизнесын еҥже- влак йоча- влак дене вашлийын кертышт, у пашалан кумылаҥдышт. Модельный книгагудо- тиде вашкылым кучымо йӧн,- палемден республикым вуйлатыше. Икымше 
модельный книгагудым почмо лӱмеш Российысе тӱвыра министрын алмаштышыже Ольга Ярилова видеосаламлымашым колтен.
              Паша дене мийыме кышкарыштак Александр Евстифеев Тошто Торъялыште мемориалыш миен да ӱмыр лугыч лийше- влаклан вуйым савен. Тений Стела-Чапкӱм верысе инициативылан полшымо программе почеш пужен ыштыме.

Прошлые выпуски