Йошкар-Оласе кум школ воктене йоча- влакын лӱдыкшыдымылыкышт шотышто йодыш лектын
Общественник- влакын Йошкар-Оласе кум школ воктене йоча- влакын лӱдыкшыдымылыкышт шотышто йодышышт лектын. Общероссийский калык фронтын чолга еҥже- влак 12-шо, 17-ше да 21-ше школла воктене корно инфраструктурым тӱзландарыме шотышто кугу нарушенийым рашемденыт. «Школыш корно» акций кышкарыште тергымашым эртараш амалым Россий президент дене «Вияш линийыш» ача-ава- влакын колтымо йодышышт ыштен. Мутлан, 12-шо школыш йоча- влак частный секторын Серов, Некрасов, Жуковский да моло уремлаже гоч коштыт. Нуно машина коштмо корно дене лавыра, вӱд, лаке гоч эртат, тротуар уке. Поснак Комсомол да Серов уремлан корнывожышт лӱдыкшым луктеш. Нине уремла дене транспорт федерал трассыш лектеш. Нунын эртен кайымым вучен шогаш кӱлеш. 17-ше номеран школышто тунемше- влакымат уремыште лӱдыкшӧ вуча. Икмыняр ий ончыч Карл Либкнехт ден 8 март урем ушнымаште йолешке вончемым кораҥденыт. 21-ше школышто тунемше йоча- влакын ача-авашт корным волгалтарыдымылан вуйым шийыт. Чыла ситыдымаш да темлымаш нерген ОНФ-ын еҥже- влак ола администрацийыш увертареныт. Октябрь кыдалне нуно йыргешке ӱстел йыр мутланымашым эртараш шонат.
Марий Элысе ОНФ пресс-службын фотожо.
Марий Элысе ОНФ пресс-службын фотожо.
