Йошкар-Олан мэрже Евгений Маслов Луначарский уремысе корным олмыктымо пашам терген лектын
Йошкар-Олан мэрже Евгений Маслов Луначарский уремысе корным олмыктымо пашам терген лектын. Олмыктымо корнын кужытшо Чайкинан изуремже деч тӱҥалын у магистарль марте ик меҥге утлаш шуйна. Тиде уремын кӱлешлыкше Киров гыч Строитель урем марте чоҥалтше корнын икымше йыжыҥжым лишыл жапыште пашаш колтымо дене кылдалтын. Сандене Юрий Зайцевын решенийже почеш урем кызытак олмыкталтеш, а план почеш тудым 2024-ше ийыште гына ыштышаш улыт ыле. Уремыште пашам 8-ше августышто тӱҥалме, а 9-ше сентябрьлан игечым шотыш налын, мучашлышаш улыт Евгений Масловын мутшо почеш, тид-е качествылан эҥгекым ыштыде эн кӱчык олмыктымо жап. 20 кечыште тошто асфальтым кораҥдыме, бордюр кӱым вашталтыме, уло куатын у асфальтым шарат. Мэр Карл Маркс урем дене оҥгышто шуктымо паша нерген ушештарен. Тушто машина коштмо верым кумдаҥдат. Молан манаш гын магистраль корнын икымше ужашыжым колтымо дене транспорт шуко кошташ тӱҥалеш да пробко лийын кертеш. Ме подрядчик деч шукым вучена: жапыштыже да сай качестве дене шукталтшаш. Ӱшаннам шукта манын шонена.- каласен мэр.
Фото: Йошкар-Олан администрацийже.
Фото: Йошкар-Олан администрацийже.
