Йошкар-Оласе Ленин площадьыште У ийын тӱҥ символжым вераҥдат

            Йошкар-Оласе Ленин площадьыште У ийын тӱҥ символжым вераҥдат. Тудын кӱкшытшӧ 23 метр. Тудым погымо паша шуко жапым йодеш: каркасыжым, искуственный лӱсан кок тӱжемат вич шӱдӧ укшыжым 42 ярус дене чумырыман, шатёрын меҥгыже- влакым шындыман, сӧрастарымаш- влакым сакалыман да мучашышкыже шӱдырым пижыктыман. Кодшо ийын 13-шо декабрыште погаш тӱналыныт ыле. А рӱдӧ площадым искусственный кож дене икымше гана 2012-шо ийыште сылнештарыме. Кож деч посна уста еҥ- влак ий фигурко-шамычым ыштат, Лабиринт да «У ий дене» манын возымо саламлымаш лийыт. А ий курыкым ышташ тений тореш лийме. Молан манаш гын, законодательствын у йодмашыже дене келшышын, тудым кӱшыч ончымо орава але карусель семынак сертифицироватлаш кӱлеш.

Прошлые выпуски