Йошкар-Оласе шуко пачеран пӧртлам капитально олмыктымо пашам меръеҥ- влак контрольышто кучат
Йошкар-Оласе шуко пачеран пӧртлам капитально олмыктымо пашам меръеҥ- влак контрольышто кучат. Чехов уремысе 66-шо да Йошкар Армий уремысе 89-ше шуко пачеран пӧртлам капитально олмыктымо паша план почеш кая. Тидым мер контроль группын еҥже- влак Алексей Красильников ден Александр Принцев шке эскереныт. Меръеҥ- влак верышке миеныт, фасад ден леведышым ачалымым онченыт да сай могыржым палемденыт. Чехов уремысе пӧртыштӧ подъездлаште окна ден пурымо омсам вашталтеныт, фасадым 75 процентлан уэмден шуктеныт. Паша график дене келшышын кая, сентябрь кыдаллан сдатлышаш улыт. Йошкар Армий уремысе пӧртыштӧ фасадым тӧрлен шуктеныт, а леведышым 75 процентлан ыштен шуктымо. Капитально олмыктымо республикысе фонд велым полшымышт да меръеҥ- влак ден пӧртыштӧ илыше-шамычын чолган ушнымышт шке жапыштыже ситыдымашым ужаш да писын кораҥдаш йӧным пуа.
Фото: Йошкар-Ола мэрий.
Фото: Йошкар-Ола мэрий.
