Марий Элыште эртыше сайлымашын иктешлымашыжым савыктыме

Марий Элыште эртыше сайлымашын иктешлымашыжым савыктыме
             Марий Элыште эртыше сайлымашын иктешлымашыжым савыктыме. Таче кечывал марте республикыште участковый сайлыме комиссийлан 100 процент протоколыштым обработатлыме. Кугыжаныш Погыныш йӱклымашын тичмаш иктешлымаш деч ончыч шотлымо почеш «Единый Россий» партий 61 тичмашат 23 шӱдаш процент йукым поген. Кокымшо верыште 11 тичмашат 57 шӱдаш процент йӱк дене КПРФ улеш. Кумшо верым 8 тичмашат 65 шӱдаш процент дене ЛДПР айла. Моло партийже вич процент барьерым эртен огыл. «Справедлийын Россий»- 4 тичмашат 86, «Новые люди»- 4, 35, «Партия Пенсионеров»  4,12, «Коммунисты России»- 3, 77 процент йӱкым погеныт. Единый йӱклымӧ кечын Кугыжаныш Погыныш депутат- влакым сайлымашке 38 тичмашат 77 шӱдаш процент калык миен. Тыге Кугыжаныш Погынышто кум политпартий пашам ышташ тӱҥалеш. Мер лӱдыкшыдымылык да инцидент лийын огыл. Калыклан йӱклаш чаркым ыштыше вуйшиймаш ден нарушенийым фиксироватлыме огыл.
          Фото: «Марий Элын сайлыме комиссийже» ВК.

Прошлые выпуски