Эрла орвуян улмо кече палемдалтеш

Эрла орвуян улмо кече палемдалтеш
          Йошкар-Олаште орвуян улмо кечылан кумда программым ямдылыме. Эрла 11-ше сентябрьыште Шнуй Иоанн Предтечан вуйжым ойырымо кечын, Йошкар-Олан да Марий Элын митрополитше Иоаннын сугыньлымыжо почеш Йошкар-Олаште «Орвуян иле, Марий Эл» орвуян лиймылан пӧлеклалтше Ыресым нумал ошкылмаш эрта. Тудо Воскресенский собор деч юмын литургий деч вара 9 шагатат 30 минутлан тӱҥалеш да Изи Какшан эҥер сер дене эрта. 14 гыч 16 шагат марте Рӱдӧ тӱвыра да каныме паркыште самырык тукымым арака йӱмаш, наркоманий, игроманий деч аралаш виктаралтше профилактике да увер площадке- влак пашам ышташ тӱҥалыт.
          Фото: Йошкар-Ола епархийын пресс-службыжо.

Прошлые выпуски