Йошкар-Олаште «Чебурашка» фильмым субтитр дене ончыктат
Йошкар-Олаште «Чебурашка» фильмым субтитр дене ончыктат. Екатерина Бойко республикым вуйлатыше Юрий Зайцев деке оҥай йодмаш дене лектын. Тудо пылыш шотышто инвалидностян улеш. Туге гынат моло начар колшо да соҥыра еҥ- влаклан полшаш тырша. Тудо волонтёр- влаклан кид йылме дене занятийым эртара, турист- влаклан экскурсийым эртара, моло оҥай пашалан тӱҥалтышым ышта. Екатерина республикым вуйлатыше деч начар колшо- влаклан тиде кином субтитр дене ончыкташ полшаш йодын. Тиде пашам виктараш Юрий Зайцев правительстве вуйлатышын алмаштышыже Ольга Бадма-Халгаевалан кӱштен. «Синема-Эл» кинотеатрым вуйлатыше- влак келшеныт. Теве шушаш рушарнян 12-шо февральыште 12 шагатат 45 минутышто «Чебурашка» кином субтитр дене ончыкташ тӱҥалыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
