Мемнан кундемна «Янлык тӱням аралымаш» партпроектым шыҥдарыме дене ончылно кая

Мемнан кундемна «Янлык тӱням аралымаш» партпроектым шыҥдарыме дене ончылно кая
           Мемнан кундемна «Янлык тӱням аралымаш» партпроектым шыҥдарыме дене ончылно кая. Тиде федерал проектын координаторжо дене селектор совещанийыште законодательствыште вашталтышым каҥашыме да да регионысо эн сай паша- влак нерген колыштмо. Шала коштшо пий- влак дене кылдалтше теме кызытат пӱсын шога. Адакшым тудо озадыме пий- влак дене гына огыл, а шкевуя кошташ луктын колтымо пий- влак денат кылдалтын. Нуныжат шала коштшо пий деч шуэн огыл пижыт. Сандене тиде йодышым закон кӱкшыт гыч виктарен колтыман. Пийын лӱдыкшӧ урлыкшым рашемдыме годымат шуко йодыш лектеш. Кызыт официальный спискыште лӱдыкшӧ 12 урлык да тыгай урыкын 13 метисше улыт. Тудым виктарыме шотышто сӱрет кузе вашталтеш эше пале огыл. Пийын озаже дене пашам ыштыман. Пийым моктен шогат гын, тудо утларак пурлеш,- ойлат совещанийыш ушнышо- влак. ДТП годым машинам огыт наказатле вет, а –тудын водительжым. Проектын координаторжо Владимир Бурматов рашемден: шошым Российысе административный кодексыш вашталтышым пеҥгыдемдат. Тудо луктын кудалтыме пийлан, пийын пурлмыжлан, пийым еҥ ӱмбаке ажгындарымылан наказаний пеҥгыдемеш. «Янлык тӱням аралымаш» партпроектым ӱмаште тӱналме. Тудым шыҥдарымашке регионысо пӧлка- влак тӱрлӧ семын ушненыт. Марий Элым ончыл 12 регион коклаште палемдыме. Кум районышто шала коштшо пий кодын огыл манаш лиеш. Приют- влакат кугу пашам шуктат, но нунылан шкаланыштат полшаш кӱлеш.  Эн тӱҥжӧ калыклан умылтарыман: шала пийым кучен гына от пытаре, тудын олмеш весе лектеш. Сандене ашныме шотышто пийым налме деч ончычак шоналтыман.
            Фото: «Единый Российын» верысе пӧлкажын архивше.

Прошлые выпуски