Звениговышто «Телым кайыкым пукшо» акций эрта

Звениговышто «Телым кайыкым пукшо» акций эрта
          Звениговышто «Телым кайыкым пукшо» акций эрта. Тиде кечылаште «Единый Россий» партийын верысе пӧлкажын чолга еҥже- влак да поро кумылан верысе калык мемнан дене телым эртарыше кайык- влакым пукшаш лектыныт. Теле мучашышкыла онча гынат, кайыклан куштылго жап марте эше тора. Тыгак йӱштӧ игече ваштат шога, лум кӱжгыт утыр ешаралтеш. Сандене кайык- влаклан полыш эше кӱлеш. Туге гынат, шошыжат пеш тораште ок кошт. Сандене кайык- влаклан у пӧрт кӱлеш лиеш. Тыге ме ола кундемыш у илыше- влакым толаш кумылаҥдена,- ойла верысе партий пӧлкан секретарьже Наталья Лабутина. «Телым кайыкым пукшо» акций умбакыже шуйна. Идалык еда партиец- влак тушко изижымат-кугужымат ушнаш кумылаҥдат. Шулдыран- влаклан полыш кайыклан гына огыл йоча- влаклант пайдам конда. Нуно мутланымаш, тӱрлӧ занятий, эскерымаш  гоч тӱрлӧ кайык нерген, мотор тӱсышт, койышышт нерген пален налыт да нунылан полшаш тунемыт.
         Фото: "Единый Российын" верысе полкажын архивше.

Прошлые выпуски