Звенигово районышто социал кӱлешан проект- влакым шыҥдарыме паша график почеш кая

Звенигово районышто социал кӱлешан проект- влакым шыҥдарыме паша график почеш кая
            Звенигово районышто социал кӱлешан проект- влакым шыҥдарыме паша график почеш кая. Марий Элым вуйлатыше Юрий Зайцевын кӱштымыжӧ почеш, Правительстве вуйлатышын алмаштышыже Евгений Курмаев паша дене Звенигово районыш миен. Тудо район администрацийын пашаеҥышт, илем администрацийлам вуйлатыше- влак дене  пырля совещанийыште участвоватлен. Нуно калыкым тургыжландарыше йодыш- влакым, илышым саемдаш кӱлешан тӱҥ паша корно- влакым каҥашеныт. Евгений Курмаев федерал да республикысе программе кышкарыште чоҥалтше объектлаш миен. Тудо канализацийын очистной сооруженийжым пужен ыштыме пашам, Олаште Юл эҥер серым ончен, районысо краеведений тоштерыш, «Жемчужина» спорт да тазалыкым пеҥгыдемдыме комплексыш миен. Тыгак Красногорскысо кок кугу предприятий- «Электродвигатель» завод да Автофургон комбинат дене палыме лийын. Тушто луктын каласыме йодыш- влакым ончен лекме да контрольыш налме лийыт, - каласен Евгений Курмаев.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски