Йошкар-Олаште Даманский отросо герой- влакым шарналтеныт

Йошкар-Олаште Даманский отросо герой- влакым шарналтеныт
               Йошкар-Олаште Даманский отросо герой- влакым шарналтеныт. Даманский отрошто геройло событий- влаклан 57 ий теммылан пӧлеклалтше пеледышым пыштыме торжественный церемоний эртен. Шарнымашан мероприятийым воин-пограничник- влаклан пӧлеклалтше чапкӱ воктен эртарыме. Тушко кучем органлан, ветеран организаций ден ДОСААФ-ын, калык фронтын еҥышт, кызытсе военнослужащий ден нунын ешышт, СВО-н участникше- влак да «Царевококшайский» хуторын самырык казакше- влак миеныт. 57 ий ончыч Кугу Ачамланде сар мучашлалтмеке икымше гана, мемнан мландыш агрессор- влак пуреныт. Нуным эн ончыч чактарыше, лӱдде тушман ваштареш лекше- влак- тиде мемнан пограничник- влак лийыныт. Нунылан курымаш чап лийже!- каласен Йошкар-Ола мэрын икымше алмаштышыже Владимир Смирнов. Уссури эҥерысе 1969-ше ий мартысе событий элнан истериешыже эрелан кодеш. Изи Даманский отро верч чек воктелсе конфликт годым мемнан войска неле йомдарымашыш логалын: 58 еҥ ӱмыр лугыч лийын, 94 еҥ сусырген. Героизмым ончыктымылан чекым аралыше вич еҥлан эн кӱкшӧ наградым пуымо- Совет Ушемын Геройжо лӱмым, кумытшылан- вуйым пыштымеке,- ушештареныт ола мэрийыште.
            Фото: Йошкар-Ола мэрий.

Прошлые выпуски