Йошкар-Олаште историй событий нерген шарнымаш лӱмеш пеледыш аршашым пыштеныт
Йошкар-Олаште историй событий нерген шарнымаш лӱмеш пеледыш аршашым пыштеныт. 1945-ше ийысе историй событий нерген шарнымаш лӱмеш Воин Чап монумент да Курымашлык тул воктеке пеледыш аршашым кондымо. Теҥгече Российыште милитарист Японийым сеҥыме кече да Кокымшо тӱнямбал сар мучашлалтме кече палемдалтын. 1945-ше ий 2-шо сентябрьыште Японийын кпитулироватлалтмыже нерген актеш кидпалым пыштыме. Документ Кокымшо тӱнямбал сарын мучашлалтымже нерген ойлен. Тудо 1939-ше ийын икымше сентябрьыште Германийын Польшыш керылт пурымыжо дене тӱҥалын. 2020-шо ийыште 3-шо сентябрьын шарнымашан датым – Российын воин чап кечыжым палемдаш решенийым лукмо. Йошкар-Олаште шарнымашан мероприятийым Кугыжаныш Погыным вуйлатыше Анатолий Смирнов ден Правительстве вуйлатышын икымше алмаштышыже Евгений Кузьмин вуйлатеныт. Тиддеч ончыч кучем органын, силовой ведомствылан, туныктыш да мер организацийлан еҥышт вуйым пыштыше элым аралыше- влакым метроном йӱк почеш ик тат шып шоген шарналтеныт.
Фото: Марий Эл Кугыжаныш Погын.
Фото: Марий Эл Кугыжаныш Погын.
