Йошкар-Олаште лийшаш «Пеледыш пайремын» программыжым савыктыме

Йошкар-Олаште лийшаш «Пеледыш пайремын» программыжым савыктыме
              Йошкар-Олаште лийшаш «Пеледыш пайремын» программыжым савыктыме. Чылаже 8 площадкыште 21 мероприятийым эртараш палемдыме. Пайрем 14-ше- 15-ше июньышто эрта. 14-ше числаште калыкле тӱвыра пӧртыштӧ Коми да Ленинград областьысе тӱвыра пашаеҥ- влаклан канышым эртарыме паша дене семинар эрта. Кастене Патриарший площадьыште «Йыр пӧрдын куштымаш» марий куштымашын фестивальже лиеш. Тӱҥ мероприятий- влак 15-ше июньышто эртаралтыт. Йӱла семын пайрем Пӱнчерын Тумер отыштыжо шошо ага пашам мучашлыме лӱмеш «Агавайрем» кумалмаш дене тӱналеш. Пайрем кышкарыште кудо, спорт, калык усталык, этнобренд, калыкле вургем фестиваль- влак лийыт. Тыгак пленэр, концерт да конкурс- влак лийшаш улыт. Икымше гана пайрем 1920-шо ийын 27-ше майыште Шернур селаште лийын. А тений села ден посёлкылаште икымше июньын, райрӱдылаште 8-ше июньын гӱжлен эртат.
          Фото: Павел Стариков.

Прошлые выпуски