Йошкар-Олаште лумым шулыктымо икымше установкым пашаш колтымо
Сбербанк ПАО-н Юл да Виче кундем банкшын Председательже, Вице-Президентше Пётр Колтыпин Йошкар-Олаште лумым шулыктымо установкым пашаш колтымаште лийын. Тудым Сбербанк пӧлкан банк аппарат кундемыштыже верандыме. «Вулкан-20М» лумым шулыктышо мобильный установка - Йошкар-Олаште икымше. Оборудованийым пашаш колтымаште Пётр Колтыпин ден пӱртӱс поянлык министр Алексей Киселёв лийыныт. Банкын стоянкыштыже вераҥдыме лумым шулыктышо установка лум ден ийым вашке шулыкташ да шӱкшакшым ойыраш келыштаралтын. Экскаватор лумым бункерыш опта да 15 градус марте ырыше котёлышто лум вӱдыш савырна, тудыжо эрыктыше коллекторыш кая.
Фото: МедиаПоток.
Фото: МедиаПоток.
