Йошкар-Олаште самырык- влак парламентын историйыштыже икымше гана стратегий сессийышт лийын

Йошкар-Олаште самырык- влак парламентын историйыштыже  икымше гана стратегий сессийышт лийын
              Йошкар-Олаште самырык- влак парламентын историйыштыже  икымше гана стратегий сессийышт лийын. Тудо законодательстве- влакым ямдылымылан пӧлеклалтын. Мероприятий Самырык- влак парламентын шке шотан у кӱкшытыш куснымашыже семын лийын- шонымашым каҥашыме гыч тудым республикыште илышым саемдаш виктаралтше раш законопроектлаш савырыме марте.
             Марий Эл Кугыжаныш Погыным вуйлатыше Михаил Васютин самырык парламентаризмлан вияҥаш тиде татын кӱлешлыкшым палемден. Официальный ужашыштыже верлаште самырык парламентаризмым вияҥдымашке пыштыме надырлан ойыртемалтше еҥ- влаклан Кугыжаныш Погыным вуйлатышын тауштымашыжым кучыктымо. Практический ужашыжым проект паша семын эртарыме. Куд командылан шелалтын тыршен пашам ыштыме деч вара ончыкылык законопроект- влаклан куд раш темлымашым ямдылыме.
               Нунын коклаште республикысе калыкын йӱдым шып ласкалыкшым аралыме нерген да самырык влакын добровольчестве нициативыштым вияҥдыме нерген закон- влак проект кышкарыште инициативышт, никотинан да никотиндыме жидкость- влакым ийготыш шудымо- влаклан ужалымашым чарыме да этно-экологий туризмым поснак оролымо пӱртӱс кумлдыкаште закон почеш виктарымаш нерген темлымаш- влак, тыгак тӱшка транспорт шеҥгеке йоча- влакын пижын кудалыштмышт ваштареш шогымаш, самырык- влак коклаште тыглай да интернет полшымо дене лӱмын сырыкташ, игылташ да шыдештараш тӧчымылан административный ответственностьым палемдымаш нерген темлымаш- влак лийыныт.
            Фото: Марий Эл Кугыжаныш Погын.

Прошлые выпуски