Йошкар-Олаште школ да йоча сад воктене дезинфекцийым тӱҥалыныт
Йошкар-Ола администрацийын увертарымыж почеш, у тунемме ий вашеш Александр Евстифеевын кӱштымашыж дене келшышын, коронавирус шарлыме ваштареш школ да йоча сад воктелсе кумдыклам дезинфицироватлаш тӱҥалме. Мэрий рашемден: обработкым микроб, вирус да моло вирус инфекцийым лукшо возбудитель ваштареш лӱмын ыштыме раствор дене ыштат. Ушештарена: республикыштына утларак ямде улмо режимым 6-шо сентябрь марте шуйымо.
