Юл кундем федерал округышто теҥгече самырык- влакын «ИВолга» форумышт почылтын

Юл кундем федерал округышто теҥгече самырык- влакын «ИВолга» форумышт почылтын. Тудо икымше гана онлайн-формат дене эрта. Тидыже тӱнян тӱрлӧ кундемже гыч тушко ушнаш йӧным пуа. Шинчымаш программе ныл смена кышкарыште шыҥдаралтеш. Мутлан, «Мемнан Сеҥымашна» смена патриотизм шӱлышеш шуарымашым да историй шарнымашым аралымашым вияҥдыме паша дене кылдалтше- влакым уша. «Шанче да цифран технологий» шанче-техник пашам шуктышо-влаклан, «Илыме кумдык» смена- урбанист, архитектор, дизайнер да эколог- влаклан, «Мыйын бизнесем» экономист да самырык амалкалче- влаклан. Тыгак Граждан общество фондын грантшылан да Росмолодёжын самырык- влакын проектыштын конкурсшо -влак эртат. Форумын штабше Самара областьысе добровольчествын ресурс рӱдерыштыже верланен. Моло ийлаште «Иволга» тиде областьысе Мистрюковский ерла воктен эрта ыле да округ гыч кок тӱжем наре еҥ погынен. Тений кум тӱжемат пеле марте ешаралтын, а тора гыч эскерышыже 50 тӱжем марте погынен кертеш. Марий Эл гыч тиде форумыш 80 самырык еҥым ойырен налме, - увертара спорт-туризм министерстве.

Прошлые выпуски