Волжск оласе предприятий шке куатшым «Армий-2020-шо» Тӱнямбал 6-шо военно-техник форумышто ончыкта
Волжск оласе предприятий шке куатшым «Армий-2020-шо» Тӱнямбал 6-шо военно-техник форумышто ончыкта. 23-шо гыч 29-ше август марте «Патриот» конгресс да ончер рӱдерыште, «Кубинка» аэродромышто да «Алабино» полигонышто «Армия-2020» 6-шо Тӱнямбал военно-техник форум эрта. Марий Эл гыч Марий машиностроитель завод, Волжскысо электромеханический завод, «Ната-Инфо» ден «Технотех» предприятий- влак, Юлтех шке пашаштым ончыктат. Волжскысо электромеханик завод да Юлтех «Алмаз-Антей» Концернын» стендыштыже медицине кӱлешлыклан шуко функциян, робот шотан экзоскелетым лукмо шотышто пырля ыштыме проектышт дене участвоватлат. Радиолокаций, радионавигаций аппаратурым, тора гыч виктарыме аппаратурым лукшо Электромеханик заводын ыштыме ойыртемалтше продукцийже йотэл уна- влакын тӱткышыштым поснак сулен налын. Экзоскелет тӱрлӧ семын эмагныше да операций деч вара, ДЦП деч тӧрланаш полшышо аппарат. Тудо кугыеҥ- влакым гына огыл, йоча- влакымат реабилитроватлаш келыштаралтын. Вес ийын тудым тӱшкан лукташ шонат. Республикым вуйлатыше производство предприятий ден Юлтехын шанчыеҥже- влакын пырля шуктымо пайдале пашаштым мокталтен. Роспатентыш документым колтымо, Тиде сату Российыштат, йот эллаштат йодмаш дене пайдалана, - палемден тудо.
