Морко посёлкысо икымше номеран школышто «Точка роста» рӱдер почылтеш

Морко посёлкысо икымше номеран школышто икымше сентябрьыште «Точка роста» рӱдер почылтеш. Тудо элысе изи ола да ял кундемласе вич тӱжем школым ушышо рӱдер-влакын федерал сетьышкышт ушна. Школышто тунемше- влаклан ойыртемалтше у шинчымашым налаш йӧн лектеш. Ӱдыр-рвезе- влак 3Д-принтер, квадрокоптер, ВиАр шлем, шотлен лукшо куатле  станций дене пашам ышташ тунемыт. Оборудованийым тиде кечылаште конден пытарышаш улыт. Школьник- влак технологийым, информатикым, ОБЖ-м у оборудований полшымо дене тунемаш тӱҥалыт, а урок деч вара цифран, естественно-научный, техник, гуманитар коно дене занятийлашке коштын, шахмат дене модаш, медиапроектым вӱдаш тунемыт. Август мучашлан «Точка ростан» кум пӧлемже фирме стиль дене келыштаралтеш. Тиде Технологий, Информатике да ОБЖ кабинет, эше кок кабинет проект пашалан ойыралтеш.. Рӱдерым пашаш колташ кок миллион утла теҥге оксам кучылтмо. Тудым федерал, республике да муниципал кӱкшыт гыч ойырымо.

Прошлые выпуски