Республикын промышленность министрже «Таврида Электрик» да «Феррони» предприятийыш миен

Республикын промышленность, экономически вияҥмаш да торговля министрже Станислав Крылов «Таврида Электрик» шанче-производство ушемыш миен. Тиде акционер ушем «Таврида Электрик» компанийыш пура да вакууман кӱкшӧ вольтан выключатель- влакым луктеш. Республикыште 2007-ше ий годсек пашам ышта. Тудын продукцийже Российын, Украинын, Китайын, Эстонийын, Германийын, Австрийын, Сербийын, Румынийын, Болгарийын, Монголийын да Вьетнамын рынкыштыже ужалалтеш. Визит жапыште министр предприятийын паша базыже дене палыме лийын, у производственный корпусыш миен. Оборудованийым да технологий процессым эре уэмден шогымылан кӧра чапле качестван продукцийым луктеш.
                 Республикын промышленность, экономически вияҥмаш да торговля министрже Станислав Крылов тыгак иземдыме ответственностьян «Феррони» ушемыш миен. Предприятий йотэл производитель- влакын у технологий линийышт почеш кӱртньӧ омсам ыштен луктеш. Тудым вуйлатышын мутшо почеш завод пурымо кӱртньӧ омсам лукмо дене тӱҥямбалне ончыл верым айла. Омсам Россий мучко гына огыл лишыл йот эллашкат еврофура да кӱртньӧ корно вагон-влак дене колта. Тидыже сатум шулдештараш полша. Омсам тӱнямбалсе 28 эл налеш. Министр завод дене палыме лиймеке, ончыкыжым вияҥме да кугыжаныш полыш шотышто йодыш- влакым каҥашен.

Прошлые выпуски