Йошкар-Олаште Союзный кугыжанышын тунемшыже- влакын граждан-патриот акцийышт эртен

Йошкар-Олаште Союзный кугыжанышын тунемшыже- влакын граждан-патриот акцийышт эртен
               Йошкар-Олаште Союзный кугыжанышын тунемшыже- влакын турист слёт кышкарыштышт «Ме тиде шарнымашлан ӱшанле улына» граждан-патриот акций эртен. Тушто Правительстве вуйлатышын икымше алмаштышыже Евгений Курмаев Марий Элым вуйлатыше Юрий Зайцевын кӱштымыжӧ почеш участвоватлен. Мероприятий калык- влакын келшымашыштлан, вашла умылымашлан, эл- влакын ушнымашыштлан, эл верч кредалше герой- влакым шарнымылан пӧлеклалтын. Мероприятийыште Российысе 29 регионын да Беларусь Республикын 7 регионжын еҥышт участвоватленыт. Слёт Марий Элыште 9-ше гыч 14-ше июль марте эрта да тунемше- влакын пырля пашашт полшымо дене йоча да самырык- влакын туризмыштым вияҥдаш эртаралтеш. Граждан-патриот акцийым эртарыме площадкыште слётыш толшо делегаций- влакын вуйлатышышт лийыныт. Погынышо- влак ончылно Беларусь республикын туныктыш министерствыжын экологий да краевдений рӱдержын туризм пӧлкажым вуйлатыше Мария Голубева ден Россий просвещений министерствын йоча- влакым чыла велымат шуарыме «Прогресс» рӱдержын экспертше Юлия Веткина ойленыт. Акций Воин Чап монумент да Курымашлык тул деке пеледышым пыштымаш дене мучашлалтын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски